«Ալաշկերտը» 2 հավաք կանցկացնի Անթալիայում
16:08 19 դեկտեմբերի, 2018«Ալաշկերտը» ներկայացրել է ձմեռային նախապատրաստական փուլի ծրագիրը։ Երեւանյան ակումբն առաջին հավաքը կանցկացնի հունվարի 11-23-ը Երեւանում, փոխանցում է ակումբի կայքը։
Հունվարի 24-ից փետրվարի 6-ը «Ալաշկերտն» Անթալիայում կանցկացնի հավաք, որի ընթացքում նախատեսված են 3 ստուգողական հանդիպումներ:
Հունվարի 30-ին Արամ Ոսկանյանի գլխավորած թիմը կհանդիպի Չեխիայի Բարձրագույն խմբում հանդես եկող «Սլովացկո» ակումբին, իսկ փետրվարի 4-ին կխաղա ղազախական «Ակտոբեի» հետ, որի կազմում հանդես է գալիս Հայաստանի հավաքականի կիսապաշտպան Մարկոս Պիզելին: Փետրվարի 5-ին հայկական ակումբը կմրցի Ուկրաինայի Պրեմյեր լիգան ներկայացնող «Մարիուպոլի» հետ, իսկ հաջորդ օրը կվերադառնան Երեւան:
Փետրվարի 11-25-ը «Ալաշկերտը» Անթալիայում կանցկացնի եւս մեկ հավաք, որի ընթացքում նախատեսված են 6 ստուգողական հանդիպումներ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։