Դորտմունդի «Բորուսիայի» իսպանացի հարձակվող Պակո Ալկասերը, գոլի հեղինակ դառնալով «Դյուսելդորֆի» դեմ Բունդեսլիգայի 16-րդ տուրի արտագնա խաղում, սահմանել է յուրօրինակ ռեկորդ:
Գերմանիայի ընթացիկ առաջնությունում Ալկասերը 10-րդ գոլը խփեց փոխարինման դուրս գալուց հետո: Բունդեսլիգայի մեկ մրցաշրջանում ոչ մի ֆուտբոլիստի չի հաջողվել 10 անգամ աչքի ընկնել փոխարինման դուրս գալուց հետո, գրում է OptaFranz-ը:
Հիշեցնենք, որ այդ խաղում առաջատար «Բորուսիան» պարտվել էր 1:2 հաշվով: Պակո Ալկասերը հաշիվը կրճատել էր 81-րդ րոպեին եւ 12 գոլով միանձնյա գլխավորում է Բունդեսլիգայի ռմբարկուների ցուցակը:
Լուսյեն Ֆավրի գլխավորած թիմն առաջին պարտությունը կրեց ընթացիկ առաջնությունում եւ ունի 39 միավոր: Երկրորդ տեղում գտնվող Մյոնխենգլադբախի «Բորուսիան» հավաքել է 33 միավոր:
30 միավորով երրորդ տեղում գտնվող Մյունխենի «Բավարիան» դեկտեմբերի 19-ին կընդունի «Լայպցիգին»:
10 - @paco93alcacer ist der erste Spieler der BL-Historie, der in einer Saison 10 Jokertore erzielt! Der Spanier hat den alten Rekord von Nils Petersen und Ioan Ganea (je 9) schon am 16. Spieltag überboten. Phänomen. #F95BVB @BVB pic.twitter.com/sOSlMO5uCt
— OptaFranz (@OptaFranz) December 18, 2018
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։