Երեւանում ավարտված վոլեյբոլի Եվրոպայի Արեւելյան գոտու երկրների մինչեւ 15 տարեկանների առաջնության ընտրական մրցաշարում հաղթել է Լեհաստանի հավաքականը:
Հայ-Սլավոնական համալսարանի մարզադահլիճում անցկացված մրցաշարի եզրափակիչում լեհերը 3:1 հաշվով պարտության են մատնել Ռուսաստանի հավաքականին: Բրոնզե մեդալակիր են դարձել ուկրաինացիները, որոնք երրորդ տեղի համար խաղում ուժեղ են գտնվել Բելառուսի թիմից՝ 3:1:
Հիշեցնենք, որ մրցաշարին մասնակցել էր նաեւ Հայաստանի հավաքականը, որը 4 պարտությամբ էր ավարտել ելույթը խմբային փուլում: Առաջին ենթախմբում ընգրկված հայ վոլեյբոլիստները պարտվել էին Լատվիային (0:3), Ռուսաստանին (0:3), Բելառուսին (0:3) ու Լիտվային (1:3):
Ֆոտո՝ Հայաստանի վոլեյբոլի ֆեդերացիայի մամուլի ծառայություն
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։