«Մանչեսթեր Յունայթեդի» գլխավոր մարզիչի եւս մեկ թեկնածու
20:14 18 դեկտեմբերի, 2018Պորտուգալացի Ժոզե Մոուրինյոյի պաշտոնանկությունից հետո «Մանչեսթեր Յունայթեդը» թեկնածուների ցուցակում ընդգրկել է նաեւ պորտուգալացի Կարլուշ Կեյրուշին, հաղորդում է բրիտանական The Independent–ը։
65–ամյա մասնագետը 2002–2003 եւ 2004–2008 թվականներին ընդգրկված է եղել «Մանչեսթեր Յունայթեդի» նախկին գլխավոր մարզիչ, լեգենդար շոտլանդացի Ալեքս Ֆերգյուսոնի մարզչական շտաբում։
Այժմ Կեյրուշը գլխավորում է Իրանի ազգային հավաքականը։
«Մանչեսթեր Յունայթեդի» գլխավոր մարզիչի թեկնածուների ցուցակում նշվում են նաեւ ֆրանսիացիներ Լորան Բլանն ու Զինեդին Զիդանը, նորվեգացի Ուլե Գունար Սուլշերը, իտալացի Անտոնիո Կոնտեն։
Սպասվում է, որ մինչեւ այս մրցաշրջանի ավարտը մանչեսթերյան թիմը կգլխավորի Մայքլ Կարիկը։ Անգլիայի հավաքականի նախկին կիսապաշտպանը նախորդ մրցաշրջանի վերջում էր ավարտել կարիերան եւ ընդգրկվել «Մանչեսթեր Յունայթեդի» մարզչական շտաբում: Նա անգլիական ակումբում խաղացել է 2006-2018-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։