Grand Chess Tour. Լեւոն Արոնյանը գրավեց չորրորդ տեղը եւ վաստակեց 135 հազար դոլար
01:06 18 դեկտեմբերի, 2018Հայկական շախմատի առաջատար Լեւոն Արոնյանը Grand Chess Tour շարքում գրավեց չորրորդ տեղը եւ վաստակեց 135 հազար դոլար: Այս շարքի վերջին մրցաշարը London Chess Classic-ն էր: Երրորդ տեղի համար մրցամարտում Լեւոն Արոնյանը մրցեց աշխարհի չեմպիոնի նախկին հավակնորդ, ամերիկացի Ֆաբիանո Կարուանայի հետ եւ պարտություն կրեց արագ խաղի պարտիաներից մեկը տանուլ տալու հետեւանքով:
Երկու դասական պարտիաներն ավարտվեցին ոչ ոքի, արագ շախմատի երկու պարտիաներից մեկն ավարտվեց ոչ ոքի, մյուսում հաղթեց Կարուանան, կայծակնային խաղի չորս պարտիաներից երկուսում հաղթեց Արոնյանը, երկուսում՝ Կարուանան:
London Chess Classic-ի հաղթողի կոչումը նվաճեց ամերիկացի Հիկարու Նակամուրան, որը եզրափակիչում առավելության հասավ ֆրանսիացի Մաքսիմ Վաշյե-Լագրավի նկատմամբ: Նակամուրան նվաճեց նաեւ Grand Chess Tour-ի գավաթը եւ ստացավ 225 հազար դոլար: Երկրորդ տեղը գրաված Վաշյե-Լագրավի մրցանակն է 160 հազար, երրորդ տեղը գրաված Կարուանայինը՝ 145 հազար դոլար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։