Ռոնալդուն խփել է «Յուվենտուսի» 5000-րդ գոլը
14:17 16 դեկտեմբերի, 2018Թուրինի «Յուվենտուսի» պորտուգալացի հարձակվող Կրիշտիանու Ռոնալդուն, գոլի հեղինակ դառնալով «Տորինոյի» դեմ A Սերիայի 16-րդ տուրի խաղում, խփել է Իտալիայի չեմպիոնի հոբելյանական գոլը:
Դա «Յուվենտուսի» 5000-րդ գոլն էր Իտալիայի առաջնությունում: «Յուվենտուսն» առաջին իտալական ակումբն է, որն A Սերիայում հատում է 5000 գոլի սահմանագիծը, փոխանցում է Gazzetta dello Sport-ը:
Հիշեցնենք, որ թուրինյան դերբիում «Յուվենտուսը» հաղթել էր նվազագույն հաշվով, իսկ Ռոնալդուն միակ գոլը 70-րդ րոպեին խփել էր 11 մետրանոցից: Դա նրա 11-րդ գոլն էր Իտալիայի ընթացիկ առաջնությունում: 33-ամյա պորտուգալացին աչքի ընկավ A Սերիայի 6-րդ արտագնա խաղում անընդմեջ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։