Կատալոնական ակումբի բոլոր ֆուտբոլիստները միաժամանակ հեռացել են թիմից
13:24 15 դեկտեմբերի, 2018Իսպանիայի երկրորդ դիվիզիոնում հանդես եկող կատալոնական «Ռեուս» ակումբի բոլոր ֆուտբոլիստները միաժամանակ հեռացել են թիմից «Կորդոբայի» դեմ հերթական տուրի հանդիպումից առաջ, որը նախատեսված է դեկտեմբերի 15-ին: Դեմարշի պատճառը մի քանի ամսվա աշխատավարձի պարտքն է:
«Մեր պայմանագրերում կար միակողմանի այն խզելու հնարավորություն, եւ մենք որոշեցինք օգտվել այդ կետից, քանի որ իրավիճակն անտանելի է: Մեր իրավունքները պաշտպանելու այլ ճանապարհ չի մնացել: Ղեկավարությունը դեռ հոկտեմբեի 26-ին պետք է մարեր ամբողջ պարտքը, սակայն խոստումը չկատարեց: Ակումբի ոչ պրոֆեսիոնալ մոտեցումը մեզ այլ միջոց չի թողնում»,- թիմի ավագ Խեսուս Օլմոյի խոսքը մեջբերում է football-espana-ն
«Ռեուսն» այս պահին Սեգունդայի 22 մասնակիցների մեջ զբաղեցնում է 20-րդ տեղը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։