Եվրոպայի լիգայի խմբային մրցաշարի վերջին տուրի լավագույն ֆուտբոլիստ է ճանաչվել ֆրանսիական «Ռենի» սենեգալցի հարձակվող Իսմաիլ Սառը, հաղորդում է ՈւԵՖԱ-ի պաշտոնական կայքը:
Ղազախստանի «Աստանայի» դեմ խաղում «Ռենը» հաղթել էր Սառի դուբլի շնորհիվ՝ 2:0: Այդ հաղթանակի շնորհիվ ֆրանսիական թիմը K խմբում գրավեց երկրորդ տեղը եւ դուրս եկավ 1/16 եզրափակիչ:
Սառը հետ է թողել Վիսամ Բեն-Իեդերին («Սեւիլիա»), Դոմինիկ Կորին («Բայեր) եւ Սանդեր Բերգեին («Գենկ»):
20-ամյա Սառը 2017թ. ամռանն է «Մեցից» 17 միլիոն եվրոյով տեղափոխվել «Ռեն»: Եվրոպայի լիգայի ընթացիկ մրցաշրջանում նա մասնակցել է 5 հանդիպման, խփել է 3 գոլ, կատարել 1 գոլային փոխանցում: Սառի պայմանագիրը «Ռենի» հետ նախատեսված է մինչեւ 2021 թվականը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։