«Արսենալ» - «Ղարաբաղ». Արցախի դրոշով եւ շապիկին Մոնթեի պատկերով երկրպագուն ներխուժել է խաղադաշտ (ֆոտո)
02:49 14 դեկտեմբերի, 2018Եվրոպայի լիգայի խմբային մրցաշարի վերջին տուրի «Արսենալ» - «Ղարաբաղ» հանդիպման ժամանակ Արցախի դրոշով եւ շապիկին Մոնթե Մելքոնյան պատկերով երկրպագուն ներխուժել է «Էմիրեյթս» ստադիոնի խաղադաշտ: Անվտանգության աշխատակիցները նրան ամիջապես հեռացրել են խաղադաշտից:
Հիշեցնենք, որ ադրբեջանական թիմը Լոնդոնում պարտվել է 0:1 հաշվով: «Արսենալի» միակ գոլը խփել է ֆրանսիացի հարձակվող Ալեքսանդր Լյակազեթը:
Հայաստանի հավաքականի կիսապաշտպան Հենրիխ Մխիթարյանը «Արսենալի» պահեստայինների թվում էր եւ չմասնակցեց խաղին:
«Արսենալը» խմբում գրավեց առաջին տեղը եւ պայքարը կշարունակի 1/16 եզրափակիչում: «Ղարաբաղը» չի հաղթահարել խմբային փուլի արգելքը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.