Լոնդոնի «Արսենալի» նախկին գլխավոր մարզիչ Արսեն Վենգերը Մադրիդի «Ռեալի» նախկին գլխավոր մարզիչ Զինեդին Զիդանին խորհուրդ է տալիս ընտրել Անգլիայի Պրեմյեր լիգայի մարզչական կարիերան շարունակելու դեպքում։
«Ես կցանկանայի Զիդանին տեսնել Անգլիայում։ Եթե ցանկանում ես աշխատել ամենաբարձր մակարդակի վրա, պետք է ընտրել Պրեմյեր լիգա։ Սա միակ առաջնությունն է, որտեղ վեց ակումբ պայքարում է տիտղոսի համար։ Այլ երկրներում չեմպիոնին կարելի է կանխատեսել արդեն դեկտեմբերին, իսկ Ֆրանսիայում՝ սեպտեմբերին։
Զիդանը պետք է ընտրություն կատարի՝ կամ Չեմպիոնների լիգայում տեղ ունեցող ակումբ, կամ երկարատեւ հեռանկարով որեւէ ակումբային նախագիծ։ Ես կընտրեի երկրորդ տարբերակը»,– Վենգերի խոսքը մեջբերում է beIN Sports–ը։
Հիշեցնենք, որ Զիդանը «Ռեալը» գլխավորել է 2016–2018 թվականներին՝ երեք անգամ նվաճելով Չեմպիոնների լիգայի գավաթը, մեկ անգամ՝ Իսպանիայի չեմպիոնի տիտղոսը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։