«Յուվենտուսը» հունվարին 80 միլիոն եվրո կառաջարկի Պոգբայի համար
20:12 13 դեկտեմբերի, 2018Թուրինի «Յուվենտուսը» աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի համար հունվարին անգլիական «Մանչեսթեր Յունայթեդին» կառաջարկի 80 միլիոն եվրո, հաղորդում է Tuttosport–ը։ Պոգբայի հարաբերությունները մանչեսթերյան ակումբի պորտուգալացի գլխավոր մարզիչ Ժոզե Մոուրինյոյի հետ մնում են խիստ լարված։
Հիշեցնենք, որ «Յուվենտուսը» 2016թ. օգոստոսին Պոգբային «Մանչեսթեր Յունայթեդին» վաճառել է 105 միլիոն եվրոյով։
Անգլիայի ընթացիկ առաջնությունում Պոգբան 14 խաղում խփել է 3 գոլ, կատարել է նույնքան գոլային փոխանցում։ Չեմպիոնների լիգայի 6 հանդիպումներում Պոգբան խփել է 2 գոլ, կատարել 1 գոլային փոխանցում։
«Յուվենտուսը» Պոգբայի տրանսֆերը չհաջողելու դեպքում, կբանակցի Մադրիդի «Ռեալի» հետ իսպանացի կիսապաշտպան Իսկոյի տրանսֆերի համար։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։