Յայա Տուրեն հեռացավ «Օլիմպիակոսից» պայմանագիր կնքելուց 3 ամիս անց
21:40 11 դեկտեմբերի, 2018Կոտդիվուարցի կիսապաշտպան Յայա Տուրեն եւ հունական «Օլիմպիակոսը» փոխադարձ համաձայնությամբ խզել են պայմանագիրը, որը կնքել էին երեք ամիս առաջ, հաղորդում է ակումբի մամուլի ծառայությունը: Այս ամռանը 35-ամյա ֆուտբոլիստը ստացել էր ազատ գործակալի կարգավիճակ անգլիական «Մանչեսթեր Սիթիում» 8 տարի խաղալուց հետո:
«Օլիմպիակոսում» Յայա Տուրեն մասնակցեց հինգ հանդիպման: Այս ակումբում նա խաղացել է նաեւ 2005-2006 թվականներին:
Կարիերայի ընթացքում Տուրեն ներկայացրել է նաեւ «Մոնակոն», «Բարսելոնան», Դոնեցկի «Մետալուրգը», բելգիական «Բեւերենը»: Նա չորս անգամ ճանաչվել է Աֆրիկայի լավագույն ֆուտբոլիստ: 2015-ին Կոտ դ՝Իվուարի հավաքականի հետ դարձել է Աֆրիկայի չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։