Գվարդիոլա. Հիմա իմ տրամադրության տակ կա 15 խաղացող
21:06 11 դեկտեմբերի, 2018Գերմանական «Հոֆենհայմի» դեմ Չեմպիոնների լիգայի խմբային մրցաշարի վերջին տուրի խաղից առաջ Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան ունի կադրային խնդիրներ:
«Հիմա իմ տրամադրության տակ կա 15 խաղացող: Դավիդ Սիլվա մկանային խնդիրների պատճառով մի քանի շաբաթ չի խաղա: Սերխիո Ագուերոն հնարավոր է շանս ստանա հանգստյան օրերին:
Բարդ խաղ կլինի, քանի որ ռոտացիայի հնարավորություն չունեմ: Բայց մենք արդեն դուրս ենք եկել փլեյ-օֆֆ: Թիմը ձգտում է հաղթանակի ամեն խաղում: Սակայն նշանակություն չունի, թե խմբում որ տեղը կգրավենք: Ամեն դեպքում, փլեյ-օֆֆը բարդ է»,- Գվարդիոլայի խոսքը մեջբերում է ՈւԵՖԱ-ի մամուլի ծառայությունը:
«Մանչեսթեր Սիթի» - «Հոֆենհայմ» հանդիպումը տեղի կունենա դեկտեմբերի 12-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։