Ֆրանսիայի չեմպիոն Փարիզի ՊՍԺ-ի գերմանացի գլխավոր մարզիչ Թոմաս Տուխելը խոսել է Չեմպիոնների լիգայի խմբային փուլի վերջին տուրում սերբական «Ցրվենա Զվեզդայի» հետ առաջիկա արտագնա խաղի մասին:
«Բելգրադում հաղթելը բարդ խնդիր է: Մենք հարգում ենք մրցակցին, բայց պետք է ցուցադրենք լավ խաղ: Մենք խաղում ենք գոլեր խփելու համար: Մենք պետք է գրոհենք կենտրոնով էլ, եզրերով էլ: Նեյմարը կմարզվի թիմի հետ: Եթե ամեն ինչ լավ լինի, նա կխաղա վաղը»,- Տուխելի խոսքը մեջբերում է ՈւԵՖԱ-ի մամուլի ծառայությունը:
«Ցրվենա Զվեզդա» - ՊՍԺ հանդիպումը տեղի կունենա դեկտեմբերի 11-ին եւ կմեկնարկի Երեւանի ժամանակով կեսգիշերին:
C խումբ. «Նապոլի»՝ 9 միավոր, ՊՍԺ՝ 8, «Լիվերպուլ»՝ 6, «Ցրվենա Զվեզդա»՝ 4:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։