Հենրիխ Մխիթարյանի վիճակագրությունը եւ գնահատականը

Whoscored.com-ը ներկայացրել է Լոնդոնի «Արսենալի» կիսապաշտպան Հենրիխ Մխիթարյանի վիճակագրությունը «Մանչեսթեր Յունայթեդի» դեմ Անգլիայի առաջնության 15-րդ տուրի խաղում:

Հայաստանի հավաքականի ավագը դարպասի ուղղությամբ կատարել է մեկ հարված, որը շեղ է ստացվել: Մխիթարյանի 34 փոխանցումներից թիմակիցներին հասել է 75.3 տոկոսը: 29-ամյա կիսապաշտպանը կատարել է 1 առանցքային փոխանցում, 2 անգամ հաղթել օդային մենապայքարում ու 1 անգամ խլել գնդակը: Հենրիխը կանոնները չի խախտել, նրա դեմ պայքարում մրցակիցը եւս խախտում թույլ չի տվել: Արդյունքում՝ նա ստացել է 6.2 գնահատականը, իսկ «Արսենալի» կազմում ամենաբարձրը գնահատվել է ուրուգվայցի կիսապաշտպան Լուկա Տորեյրայի խաղը (7.61):

Հիշեցնենք, որ Մանչեսթերում կայացած խաղն ավարտվել էր 2:2 հաշվով, իսկ Հենրիխ Մխիթարյանը փոխարինման էր դուրս եկել ընդմիջմանը եւ դարձել գոլային փոխանցման հեղինակ: