Հայաստանի հավաքականի եւ ղազախական «Ժետիսուի» պաշտպան Կամո Հովհաննիսյանը կարող է կարիերան շարունակել Ռուսաստանում:
KazFootball.kz-ի համաձայն՝ 26-ամյա ֆուտբոլիստի ծառայություններով հետաքրքրված է Ռուսաստանի Պրեմյեր լիգայում հանդես եկող «Օրենբուրգ» ակումբը:
Ռուսաստանի ընթացիկ առաջնությունում «Օրենբուրգը» 15 խաղից հետո 22 միավորով 7-րդ տեղում է:
Հիշեցնենք, որ Կամո Հովհաննիսյանն այս տարվա հունվարին է տեղափոխվել «Ժետիսու», որի կազմում մասնակցեց Ղազախստանի ավարտված առաջնության 31 խաղի՝ դառնալով մեկ գոլի ու 5 գոլային փոխանցման հեղինակ: Վերջերս «Ժետիսուից» հեռացել էր Հայաստանի հավաքականի կիսապաշտպան Էդգար Մալաքյանը, որի պայմանագրի ժամկետը լրացել է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։