«Նապոլիի» իտալացի գլխավոր մարզիչ Կարլո Անչելոտին խոսել է Իտալիայի առաջնությունում «Յուվենտուսի» հետ մրցակցության մասին:
«Չեմ կարող ասել, թե որ տեղը կգրավենք Իտալիայի առաջնությունում, բայց մենք ունենք մեծ ներուժ, որը երեւաց Չեմպիոնների լիգայում: Ես չեմ կարծում, որ «Յուվենտուսն» անհասանելի է, թեեւ այդ թիմը ցուցադրում է շատ բարձր խաղամակարդակ եւ երբեմն անհրաժեշտ է հրաշք գործել նրանց հետ հավասար ընթանալու համար:
Ես կարծում եմ, որ մենք ունենք լավագույն կիսապաշտպանությունը Իտալիայում, իսկ Կուլիբալին աշխարհի լավագույն պաշտպաններից մեկն է՝ Ռամոսի, Վարանի եւ «Յուվենտուսի» պաշտպանների հետ նույն շարքում: Թեեւ «Յուվենտուսն» ուժեղ է իր թիմային խաղով»,- Անչելոտիի խոսքը մեջբերում է Gazzetta dello Sport-ը:
14 տուրից հետո «Նապոլին» առաջատար «Յուվենտուսից» (40 միավոր) հետ է 8 միավոր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։