«Մանչեսթեր Յունայթեդն» ու «Արսենալը» հաղթողին չպարզեցին, Մխիթարյանի գոլային փոխանցումը, «Տոտենհեմը» խնդիրներ չունեցավ (տեսանյութ)

01:55   6 դեկտեմբերի, 2018

Անգլիայի առաջնության 15-րդ տուրում «Մանչեսթեր Յունայթեդը» «Օլդ Տրաֆորդում» ընդունեց Լոնդոնի «Արսենալին»: Գրանցվեց ոչ ոքի՝ 2:2:

Հայաստանի հավաքականի եւ «Արսենալի» կիսապաշտպան Հենրիխ Մխիթարյանը ընդմիջմանը փոխարինեց ուելսցի կիսապաշտպան Աարոն Ռեմզիին՝ մասնակցելով երկրորդ խաղակեսին: 68-րդ րոպեին հայ ֆուտբոլիստը դարձավ գոլային փոխանցման հեղինակ, սակայն հենց հաջորդ գրոհի ժամանակ դաշտի տերերը վերականգնեցին հավասարությունը: Ավելացված առաջին րոպեին Մխիթարյանը գրավեց նախկին թիմի դարպասը, սակայն գրանցվել էր խաղից դուրս վիճակ:

«Արսենալը» 31 միավորով 5-րդն է, «Մանչեսթեր Յունայթեդն» ունի 23 միավոր եւ 8-րդն է:

Լոնդոնի «Տոտենհեմը» տանը խաղաց «Սաութհեմփթոնի» հետ եւ առավելության հասավ 3:1 հաշվով:

«Տոտենհեմը» 33 միավորով երրորդ տեղում է:

Անգլիայի առաջնություն, 15-րդ տուր

«Մանչեսթեր Յունայթեդ» - «Արսենալ»՝ 2:2 (տեսանյութ)

Անտոնի Մարտիալ, 30, Ջեսի Լինգարդ, 69 – Շկոդրան Մուստաֆի, 26, Ալեքսանդր Լյակազեթ, 68

«Տոտենհեմ» - «Սաութհեմփթոն»՝ 3:1

Հարի Քեյն, 9, Լուկաս Մոուրա, 51, Սոն Հին Մին, 55 – Չարլզ Օսթին, 90+3



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։