Հայաստանի ֆուտբոլի ֆեդերացիայի նախագահ Արթուր Վանեցյանը Իռլանդիայի մայրաքաղաք Դուբլինում հանդիպել է ՈւԵՖԱ-ի նախագահ Ալեքսանդր Չեֆերինի հետ, հաղորդում է ՀՖՖ մամուլի ծառայությունը:
Քննարկվել է համագործակցության լայն շրջանակ, մասնավորապես, առաջիկա 4 տարում Հայաստանի մարզերում ՀՖՖ-ի կողմից իրականացվելիք ենթակառուցվածքային զարգացման ծրագրերը:
Հայկական կողմը մանրամասն ներկայացրել է ազգային նոր ստադիոն կառուցելու ծրագրերը: ՈւԵՖԱ-ի նախագահը պատրաստակամություն է հայտնել աջակցել ՀՖՖ-ին բոլոր հնարավոր միջոցներով՝ ստադիոնը ՈւԵՖԱ-ի չափորոշիչներին համապատասխանեցնելու, նախագծման, ՈւԵՖԱ-ի փորձագետների աջակցության և մասնագիտական խորհրդատվության մասով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։