Հայաստանի ներկայացուցիչ Միքայել Միքայելյանն առաջին տեղն է գրավել Ֆինլանդիայի Ռուկա քաղաքում անցկացվող դահուկավազքի վարկանիշային մրցաշարում:
15 կմ ազատ ոճի մինչեւ 20 տարեկանների մրցաշարում 19-ամյա Միքայելյանը հավաքել է 70,94 միավորով եւ գրավել առաջին տեղը: Մրցմանը մասնակցել են 7 երկրների 80 դահուկորդներ:
Հայաստանի մյուս ներկայացուցիչներից Թադեւոս Պողոսյանը գրավել է 21-րդ տեղը, իսկ Արման Մատինյանը 63-րդն էր:
Կանանց մրցաշարում Հայաստանի ներկայացուցիչ Կատյա Գալստյանը 10 կմ ազատ ոճում գրանցել է 17-րդ արդյունքը:
Հիշեցնենք, որ այս տարվա փետրվարին Միքայել Միքայելյանը եւ Կատյա Գալստյանը Հայաստանը ներկայացրել էին նաեւ Հարավային Կորեայի Փհենչհան քաղաքում անցկացված 23-րդ ձմեռային Օլիմպիական խաղերում:
Նախորդ ամիս Միքայել Միքայելյանը հաղթել էր նաեւ Ֆինլանդիայում կայացած եւս մեկ մրցաշարում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։