Արթուր Դավթյանը 7 մեդալ է նվաճել Մոսկվայում
15:33 30 նոյեմբերի, 2018Սպորտային մարմնամարզության Հայաստանի հավաքականի ներկայացուցիչներ Արթուր Դավթյանն ու Արթուր Թովմասյանը հաջող են հանդես եկել Մոսկվայում կայացած քառակի օլիմպիական չեմպիոն Լարիսա Լատինինայի անվան միջազգային մրցաշարում:
Արթուր Թովմասյանն առաջին տեղն է գրավել օղակների վարժությունում, իսկ Արթուր Դավթյանը նվաճել է 7 մեդալ: Հենացատկում, ազատ վարժություններում, նժույգթափերում ու զուգափայտում նա արժանացել է ոսկե մեդալների, բազմարտում եւ օղակների վրա գրավել է երկրորդ տեղը, իսկ պտտաձողի վրա նվաճել է բրոնզե մեդալ:
Հիշեցնենք, որ օրեր առաջ Արթուր Թովմասյանը եւ Արթուր Դավթյանը հանդես էին եկել նաեւ Գերմանիայի Գոթբուս քաղաքում կայացած աշխարհի գավաթի խաղարկությունում: Արթուր Թովմասյանը դուրս էր եկել օղակների վարժության եզրափակիչ ու գրավել 6-րդ տեղը: Արթուր Դավթյանը չէր հաղթահարել որակավորման փուլը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։