Քոնոր Մաքգրեգորը զրկվեց վարորդական իրավունքից
16:10 30 նոյեմբերի, 2018Խառը մենամարտերի UFC-ի 2 քաշային կարգերում նախկին չեմպիոն Քոնոր Մաքգրեգորը 6 ամսով զրկվել է վարորդական իրավունքից: Թույլատրված արագությունը գերազանցելու համար իռլանդացի մարտիկը կվճարի նաեւ 1000 եվրո տուգանք, հաղորդում է IrishMirror-ը:
Նախորդ շաբաթ Իռլանդիայում Մաքգրեգորին մեղադրանք էր ներկայացվել թույլատրված արագությունը գերազանցելու, առանց վարորդական իրավունքի մեքենա վարելու ու վարորդական իրավունքը պետավտոտեսուչին ներկայացնելուց հրաժարվելու համար: Նա ընդունել է մեղքը:
Մաքգրեգորն իր Range Rover մեքենայով 154 կմ/ժամ արագություն էր զարգացել մի փողոցում, որտեղ թույլատրելի արագությունը 100 կմ/ժամ է:
Հետաքննության արդյունքում հայտնի է դարձել, որ վերջին 10 տարում իռլանդացին 12 անգամ խախտել է ճանապարհային երթեւեկության կանոնները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։