Չեմպիոնների լիգա. Մեսին գերազանցեց Ռոնալդուի 2 ռեկորդները
12:35 29 նոյեմբերի, 2018«Բարսելոնայի» արգենտինացի հարձակվող Լիոնել Մեսին, գոլի հեղինակ դառնալով հոլանդական «ՊՍՎ Էյնդհովենի» դեմ Չեմպիոնների լիգայի խմբային փուլի 5-րդ տուրի խաղում, սահմանել է 2 ռեկորդ:
31-ամյա Մեսին դարձել է Չեմպիոնների լիգայի խմբային փուլի պատմության լավագույն ռմբարկուն՝ մեկ գոլով շրջանցելով Թուրինի «Յուվենտուսի» պորտուգալացի հարձակվող Կրիշտիանու Ռոնալդուին: Չեմպիոնների լիգայի խմբային փուլում արգենտինացին անցկացրեց 66-րդ հանդիպումը եւ խփեց 66-րդ գոլը, հայտնում է ՈւԵՖԱ-ի կայքը:
Բացի այդ, Մեսին գերազանցել է Ռոնալդուի եւս մեկ ռեկորդ: Նա դարձել է Չեմպիոնների լիգայում մեկ ակումբի կազմում ամենաշատ գոլ խփած ֆուտբոլիստը: Դա նրա 106-րդ գոլն էր կատալոնական ակումբի կազմում: Ռոնալդուն ռեկորդը սահմանել էր Մադրիդի «Ռեալում», որի կազմում խփել էր 105 գոլ:
Հիշեցնենք, որ Մեսիի գոլի ու գոլային փոխանցման շնորհիվ «Բարսելոնան» 2:1 հաշվով արտագնա հաղթանակ էր տարել «ՊՍՎ Էյնդհովենի» նկատմամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։