Սարսափելի ավտովթար՝ Ֆորմուլա-1-ում

09:38   26 նոյեմբերի, 2018

«Ռենոյի» գերմանացի ավտոարշավորդ Նիկո Հյուլկենբերգը վթարի է ենթարկվել Ֆորմուլա-1-ի Աբու Դաբիի Մեծ մրցանակում:

Առաջին շրջանի ժամանակ «Ֆորս Ինդիայի» արշավարոդ Էստեբան Օկոնը հետեւից հարվածել է Հյուլկենբերգի բոլիդին, որը շրջվելով դուրս է եկել մրցուղուց: Չնայած վթարի սարսափելի լինելուն՝ ստյուարդները որոշել են, որ բախումը եղել է մրցումային միջադեպի պատճառով եւ չեն պատժել Էստեբան Օկոնին: Նիկո Հյուլկենբերգը չի տուժել վթարից:

Հիշեցնենք, որ Ֆորմուլա-1-ի այս մրցաշրջանի վերջին Մեծ մրցանակում հաղթել էր «Մերսեդեսի» բրիտանացի ավտոարշավորդ Լյուիս Հեմիլթոնը, որը 5-րդ անգամ է դառնում Ֆորմուլա-1-ի աշխարհի չեմպիոն: Ընդհանուր հաշվարկում երկրորդ տեղը գրավել էր «Ֆերարիի» առաջատար Սեբաստիան Ֆետելը, իսկ լավագույն եռյակը եզրափակել էր նրա թիմակից Կիմի Ռայկոնենը:

Նիկո Հյուլկենբերգը մրցաշրջանն ավարտեց 7-րդ տեղում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։