Արթուր Սարկիսովը մասնակցեց «Ենիսեյի» մոսկովյան հաղթանակին

17:05   24 նոյեմբերի, 2018

Ֆուտբոլի Ռուսաստանի առաջնության 15-րդ տուրում Կրասնոյարսկի «Ենիսեյը» հյուրընկալվելիս 2:1 հաշվով հաղթեց Մոսկվայի «Դինամոյին»:

Հայաստանի հավաքականի հարձակվող Արթուր Սարկիսովը «Ենիսեյի» մեկնարկային կազմում խաղաց առանց փոխարինման: Հյուրերի դարպասը պաշտպանում էր Հայաստանի հավաքականի թեկնածու, վերջերս վնասվածքից ապաքինված 32-ամյա Դավիդ Յուրչենկոն, որն առաջին խաղակեսի վերջնամասում ստացավ դեղին քարտ:

Վերջին տեղում գտնվող «Ենիսեյը» երկրորդ հաղթանակը տարավ Ռուսաստանի առաջնությունում եւ վաստակեց 9 միավոր:

Հիշեցնենք, որ վնասվածքի պատճառով Արթուր Սարկիսովը Հայաստանի հավաքականին չէր օգնել Ջիբրալթարի (6:2) եւ Լիխտենշտեյնի (2:2) դեմ Ազգերի լիգայի խմբային փուլի վերջին խաղերին:

Ռուսաստանի առաջնություն, 15-րդ տուր

«Դինամո» - «Ենիսեյ»՝ 1:2

Ժոազինյո, 53 (11մ) – Միխայիլ Կոմկով, 3, Դմիտրի Յատչենկո, 55

Հեռացում՝ Գրիգորի Մորոզով, 89 («Դինամո»)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։