Լոնդոն-2012. Օլիմպիական ավանից փախած վրացի ձյուդոիստը կդիմի դատարան

12:36   14 օգոստոսի, 2012

Լոնդոնի Օլիմպիական խաղերին մասնակցած վրացի ձյուդոիստ Բեկտիլ Շուկվանին պատրասվում է դիմել Միջազգային դատարան Լոնդոնի Խաղերում տեղի ունեցած իրադարձությունների համար, հաղորդում է newsgeorgia.ru-ն:

Հիշեցնենք, որ Լոնդոնի Խաղերի օրերին վրացի ձյուդոիստ փախել էր Օլիմպիական ավանից: Մարզիկը նման քայլի էր դիմել, քանի որ Վրաստանի սպորտի նախարարի տեղակալ Գիի Ուդեսանին սպառնացել է նրան:

Ձյուդոիստի խոսքով՝ Օլիմպիական խաղերի մեկնարկից Վրաստանի պատվիրակության ղեկավարները հոգեբանական ճնշում են գործադրել իր վրա: Սպորտի նախարարի տեղակալը հրապարակայնորեն վիրավորել էր 30-րդ Օլիմպիական խաղերում անհաջող հանդես եկած Շուկվանին, ով «Վրացական երազանք» ընդդիմադիր կուսակցության առաջնորդի համախոհն է:

Սպորտի նախարարի տեղակալը հերքել է մեղադրանքը: Նկատենք, որ Շուկվանին միակ վրացի մարզիկն է, ում ելույթը չի ցուցադրվել Վրաստանի հեռուստատեսությամբ:



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։