«Բավարիայի» կանադացի նորեկ Ալֆոնսո Դեւիսը ժամանել է Մյունխեն, բուժզննում է անցել եւ անցկացրել առաջին մարզումը գերմանական թիմում, հաղորդում է ակումբի մամուլի ծառայությունը:
«Բավարիան» ՄԼՍ-ի «Վանկուվեր Ուայթկեպս» ակումբի հարձակվողի հետ պայմանագիրը կնքել էր ամռանը եւ սպասում էր, երբ նա կդառնա 18 տարեկան՝ նոյեմբերի 2:
Ալֆոնսո Դեւիսի տրանսֆերի համար գերմանական ակումբը վճարել է 12 միլիոն դոլար: Գործարքն իր մեջ պարունակում է մի շարք բոնուսներ, այդ պատճառով տրանսֆերը կարող է կազմել մինչեւ 28 միլիոն դոլար: Կողմերի միջեւ պայմանագիրը նախատեսված է մինչեւ 2023 թվականը: Նրա պաշտոնական նորամուտը «Բավարիայում» կլինի հունվարի 4-ին:
Կանադացի հարձակվողն MLS-ում նորամուտը նշել է 15 տարեկանում՝ դառնալով լիգայի պատմության երկրորդ ամենաերիտասարդ խաղացողը ամերիկացի Ֆրեդի Ադուից հետո:
ՄԼՍ-ի ավարտված մրցաշրջանում Դեւիսը մասնակցել է 31 հանդիպման, խփել է 8 գոլ, կատարել է 10 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։