Լոնդոնի «Արսենալի» իսպանացի գլխավոր մարզիչ Ունաի Էմերին հետաքրքրված է իսպանական «Վիլյառեալի» կիսապաշտպան Պաբլո Ֆորնալսի ծառայություններով, հաղորդում է Football Espana-ն:
22-ամյա Ֆորնալսը դիտարկվում է փոխարինող ուելսցի կիսապաշտպան Աարոն Ռեմսիին, որը չի ցանկանում երկարաձգել պայմանագիրը լոնդոնյան ակումբի հետ: Այն նախատեսված է մինչեւ այս մրցաշրջանի ավարտը:
«Արսենալը» պատրաստ է իսպանացի ֆուտբոլիստի համար վճարել 20 միլիոն եվրո, թեեւ նրա պայմանագրով տրանսֆերային գին է սահմանված 30 միլիոն եվրո:
Ֆորնալսը «Վիլյառեալ» է տեղափոխվել 2017թ. ամռանը «Մալագայից» 12 միլիոն եվրոյով: Նրա պայմանագիրն իսպանական թիմի հետ նախատեսված է մինչեւ 2022 թվականը: Իսպանիայի ընթացիկ առաջնությունում Ֆորնալսը մասնակցել է 12 հանդիպման, խփել է 1 գոլ, կատարել նույնքան գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։