Աղմուկը խանգարել է Կարուանային Կարլսենի դեմ 8-րդ պարտիայում
19:22 20 նոյեմբերի, 2018Շախմատի աշխարհի չեմպիոնական մրցամարտի կազմակերպիչները հետաքննություն են սկսել 8-րդ պարտիայի ժամանակ անհասկանալի ուղղությունից լսված աղմուկի վերաբերյալ, հաղորդում է Evening Standard-ը: Աշխարհի չեմպիոն, նորվեգացի Մագնուս Կարլսենի եւ չեմպիոնի հավակնորդ, ամերիկացի Ֆաբիանո Կարուանայի պարտիաները Լոնդոնում անցկացվում են երկշերտ ապակեպատ տարածքում, սակայն 8-րդ պարտիայում գրոսմայստերներին շեղել է աղմուկ, որի աղբյուրն այդպես էլ չի բացահայտվել:
Նշվում է, որ Կարուանան սխալի հետեւանքով կորցրել է նախաձեռնությունը 8-րդ պարտիայում: Կարլսենը եւս դժգոհել է միջադեպից:
«Լսվում էր ոչ հստակ աղմուկ, մարդկանց խոսակցություններ: Վստահ եմ, որ հետագայում այդպիսի բան տեղի չի ունենա»,- ասել է Կարլսենը:
Հիշեցնենք, որ 8 պարտիաներում էլ գրանցվել է ոչ ոքի: Շախմատիստները կանցկացնեն եւս 4 դասական պարտիա:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։