«Չելսին» ռեկորդային պայմանագիր է առաջարկել Կանտեին

Լոնդոնի «Չելսին» աշխարհի չեմպիոն Ֆրանսիայի հավաքականի կիսապաշտպան Նգոլո Կանտեին բաց չթողնելու նպատակով ռեկորդային պայմանագիր է պատրաստել ֆուտբոլիստի համար, հաղորդում է Goal.com-ը:

27-ամյա ֆուտբոլիստը կդառնա անգլիական ակումբի պատմության մեջ ամենաբարձր վարձատրությամբ խաղացողը: Նա կստանա շաբաթական 326 հազար եվրո աշխատավարձ:

Նգոլո Կանտեի գործող պայմանագիրը «Չելսիի» հետ նախատեսված է մինչեւ 2021 թվականը:

Ընթացիկ մրցաշրջանում Կանտեն «Չելսիում» մասնակցել է 16 հանդիպման, խփել է 1 գոլ, կատարել է նույնքան գոլային փոխանցում:

Կանտեի ծառայություններով հետաքրքրված է Մադրիդի «Ռեալը»: