Մադրիդի «Ռեալը» մոտ է Անգլիայի չեմպիոն «Մանչեսթեր Սիթիի» հարձակվող Բրաիմ Դիասին ձեռք բերելուն: Իսպանիայի երիտասարդական հավաքականի 19-ամյա ֆուտբոլիստը համարվում է իսպանական ֆուտբոլի ամենահեռանկարային խաղացողներից մեկը:
Բրաիմ Դիասի պայմանագիրը «Մանչեսթեր Սիթիի» հետ նախատեսված է մինչեւ այս մրցաշրջանի ավարտը: Արքայական ակումբի գրավիչ առաջարկից հետո Դիասը մտադիր չէ նոր պայմանագիր կնքել եւ անվճար կտեղափոխվի Մադրիդ:
Հիշեցնենք, որ Անգլիական լիգայի գավաթի խաղարկության չորրորդ շրջանում «Մանչեսթեր Սիթին» «Ֆուլհեմին» հաղթել էր Բրաիմ Դիասի դուբլի շնորհիվ՝ 2:0:
Դիասը 2013-ին է «Մանչեսթեր Սիթի» տեղափոխվել իսպանական «Մալագայից»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։