Գերմանիայի հավաքականը կրկնել է 40 տարվա անհաջողություն
14:07 20 նոյեմբերի, 2018Ֆուտբոլի Գերմանիայի հավաքականը, ֆուտբոլի ՈւԵՖԱ-ի Ազգերի լիգայի խմբային փուլի վերջին տուրի խաղում ոչ ոքի խաղալով հոլանդացիների հետ, կրկնել է 40 տարվա անհաջողություն:
Գերմանացիները չեն կարողանում հաղթանակ տանել 5-րդ պաշտոնական խաղում անընդմեջ: Նախորդ անգամ նման բան տեղի ունեցել էր 1978/79 մրցաշրջանում, փոխանցում է Opta-ն:
Նախորդ անգամ Յոահիմ Լյովի թիմը պաշտոնական խաղում հաղթել է ԱԱ-2018-ի խմբային փուլում կայացած Շվեդիայի հետ դիմակայությունում (2:1):
Հոլանդացիների հետ տնային խաղում Գերմանիայի հավաքականը 2 գոլի առավելություն ուներ մինչեւ 85-րդ րոպեն, սակայն գրանցվեց 2:2 հաշիվը: Այդ ոչ ոքիի շնորհիվ հոլանդացիները A դիվիզիոնի առաջին խմբում գրավեցին առաջին տեղը եւ նվաճեցին փլեյ-օֆֆի ուղեգիր: Բունդեսթիմն էլ իր հերթին նահանջեց Ազգերի լիգայի B դիվիզիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։