Ֆուտբոլի Հայաստանի եւ Լիխտենշտեյնի հավաքականների միջեւ ՈւԵՖԱ-ի Ազգերի լիգայի խմբային փուլի վերջին՝ 6-րդ տուրի հանդիպումից հետո Արմեն Գյուլբուդաղյանցի հետխաղային մամուլի ասուլիսին ներկայացել է մեկ լրագրող։
Նա հարցրել է, թե արդյո՞ք Հայաստանի հավաքականի մարզիչը գոհ է գրանցված արդյունքից, Գյուլբուդաղյանցը կարճ պատասխանել է, որ բավարարված չէ արդյունքով, քանի որ եկել էին Լիխտենշտեյն հաղթելու նպատակով, փոխանցում է ՀՖՖ մամուլի ծառայությունը:
Հիշեցնենք, որ Լիխտենշտեյն - Հայաստան հանդիպումն ավարտվել էր 2:2 հաշվով: Հյուրերին պարտությունից փրկել էր փոխարինման դուրս եկած 30-ամյա հարձակվող Ալեքսանդր Կարապետյանի գոլը 85-րդ րոպեին:
Ազգերի լիգայի D դիվիզիոնում Հայաստանի հավաքականը 10 միավորով գրավեց երկրորդ տեղը եւ լքեց պայքարը: Առաջին տեղը գրավեց Մակեդոնիայի հավաքականը, որը հավաքեց 15 միավոր: Ջիբրալթարը պայքարն ավարտեց 6 միավորով, իսկ Լիխտենշտեյնը՝ 4:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։