Մոուրինյոն Բելգիա - Իսլանդիա խաղին հետեւել է 2 ֆուտբոլիստի գործողությունների

19:11   19 նոյեմբերի, 2018

Անգլիական «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն ներկա է եղել Ազգերի լիգայի խմբային փուլի Բելգիա - Իսլանդիա խաղին (2:0): Նա հետեւել է երկու բելգիացի ֆուտբոլիստների գործողություններին:

HLN-ի տվյալներով, Մոուրինյոյի ուշադրության կենտրոնում են եղել Դորտմունդի «Բորուսիայի» կիսապաշտպան Ակսել Վիտսելը եւ Լոնդոնի «Տոտենհեմի» պաշտպան Տոբի Ալդերվեյրելդը: Երկուսն էլ «Մանչեսթեր Յունայթեդի» ձմեռային տրանսֆերային նպատակն են:

29-ամյա Վիտսելի տրանսֆերը գնահատվում է 30 միլիոն եվրո, 29-ամյա Ալդերվեյրելդինը՝ 40 միլիոն եվրո:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։