Մադրիդի «Աթլետիկոյի» ֆրանսիացի հարձակվող Անտուան Գրիզմանը պատմել է, թե ինչու է մերժել «Բարսելոնա» տեղափոխվելու առաջարկը:
«Շատ բարդ էր հրաժարվել «Բարսելոնա» տեղափոխվելուց: Ակումբից զանգում էին ինձ, գրում եւ ցանկանում պայմանագիր կնքել: Սակայն, մյուս կողմից, ես ունեի ակումբ, որտեղ կայացել եմ եւ որտեղ ինձ համարում են կարեւոր խաղացող:
Հնարավոր է, որ տեղափոխությանս ինչ-որ տեղ խոչընդոտեց Մեսիի լեյտենանտը դառնալու ցանկության բացակայությունը: «Աթլետիկոն» ամեն բան արեց, որպեսզի ես մնամ: Դրանք բարդ ժամանակներ էին՝ հատկապես կնոջս համար: Երբեմն ես արթնացնում էի նրան գիշերվա ժամը 3-ին, որպեսզի խոսեմ այդ մասին»,- Գրիզմանի խոսքը մեջբերում է Goal.com-ը:
Հիշեցնենք, որ այս ամռանը Ֆրանսիայի հավաքականի 27-ամյա ֆուտբոլիստը «Աթլետիկոյի» հետ կնքել էր նոր պայմանագիր, որը նախատեսված է մինչեւ 2023 թվականը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։