Աշխարհի առաջին ռակետ Նովակ Ջոկովիչն անակնկալ պարտություն կրեց Լոնդոնում անցկացած ATP-ի տարվա ամփոփիչ մրցաշարի եզրափակիչում:
Սերբ թենիսիստի նկատմամբ ռեւանշի հասավ Գերմանիայի ներկայացուցիչ Ալեքսանդր Զվերեւը, որը հաղթեց 6:4, 6:3 հաշվով: Թենիսիստները կորտում անցկացրին 1 ժամ 21 րոպե: Երրորդ տարին անընդմեջ ATP-ի ամփոփիչ մրցաշարն ունեցավ նոր հաղթող:
Հիշեցնենք, որ կիսաեզրափակիչում Ջոկովիչը հաղթել էր հարավաֆրիկացի Կեւին Անդերսոնին, իսկ Զվերեւն ուժեղ էր գտնվել շվեյցարացի Ռոջեր Ֆեդերերից: Այս մրցաշարի խմբային փուլում Ջոկովիչը Զվերեւին հաղթել է 6:4, 6:1 հաշվով:
ATP-ի տարվա ամփոփիչ մրցաշարի մրցանակային հիմնադրամը 8 միլիոն դոլար է: Նախորդ տարի ATP-ի ամփոփիչ մրցաշարում հաղթել էր բուլղարացի Գրիգոր Դիմիտրովը, որը եզրափակիչում ուժեղ էր գտնվել բելգիացի Դավիդ Գոֆենից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։