Արթուր Մալոյան. Դմիտրի Ալենիչեւը թույլ չի տալիս ինձ մարզվել թիմի հետ
13:34 17 նոյեմբերի, 2018«Ենիսեյի» հարձակվող Արթուր Մալոյանը պատմել է, որ թիմի գլխավոր մարզիչ Դմիտրի Ալենիչեւը թույլ չի տալիս իրեն մարզվել հիմնական կազմի հետ:
«Վերադառնալուցս հետո մարզվում էի անհատական ծրագրով եւ սպասում էի թիմին, որն այն ժամանակ մարզվում է երիտասարդականի մարզչական շտաբի ղեկավարությամբ: Հաջորդ օրն իմացա, որ Ալենիչեւի շտաբը վերադառնում է: Ես ցանկանում էի մարզվել հիմնական կազմի հետ, սակայն Ալենիչեւը թույլ չտվեց: Չեմ հասկանում, թե ինչով եմ խանգարել: Բացատրություն չունեմ նաեւ, թե ինչու անցած մրցաշրջանում մնացի պահեստայինների նստարանին»,- Մալոյանի խոսքը մեջբերում է Championat-ը:
Մալոյանը հուլիսի 12-ին վարձակալությամբ տեղափոխվել էր «Տյումեն», սակայն հոկտեմբերին վերադարձել է «Ենիսեյ»: «Տյումենի» գլխավոր մարզիչ Գորան Ալեքսիչը հայտարարել էր, որ հարձակվողը բավարար ջանասիրությամբ չի մոտեցել մարզումներին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։