18–ամյա կիսապաշտպանը՝ Բունդեսլիգայի լավագույն ֆուտբոլիստ
20:48 16 նոյեմբերի, 2018Հոկտեմբերի հանդիպումների արդյունքում, գերմանական Բունդեսլիգայի լավագույն ֆուտբոլիստ է ճանաչվել Գերմանիայի առաջնության ընթացիկ առաջատար Դորտմունդի «Բորուսիայի» 18–ամյա կիսապաշտպան Ջեյդոն Սանչոն, հաղորդում է մրցաշարի պաշտոնական կայքը։
Սանչոն հետ է թողել Աշրաֆ Հակիմիին («Բորուսիա Դ.»), Մարցել Հալստենբերգին («ՌԲ Լայպցիգ») եւ Ֆրանկֆուրտի «Այնտրախտի» ներկայացուցիչներ Լուկա Յովիչին ու Սեբաստիան Ալերին։
Սանչոն «Բորուսիա» է տեղափոխվել 2017թ. ամռանը «Մանչեսթեր Սիթիից» 7.8 միլիոն եվրոյով։
Հոկտեմբերին Խորվաթիայի դեմ Ազգերի լիգայի խաղում Սանչոն նորամուտն էր նշել Անգլիայի հավաքականում։ ԱՄՆ–ի դեմ ընկերական խաղում նա աչքի է ընկել գոլային փոխանցմամբ։ Անգլիան հաղթել էր 3։0 հաշվով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։