Հայաստանի ազգային հավաքականի եւ «Ակտոբեի» կիսապաշտպան Մարկոս Պիզելին ճանաչվել է Ղազախստանի առաջնության լավագույն ֆուտբոլիստ, Sports.kz–ի վարկածով։ Հարցմանը մասնակցել են Ղազախստանի Պրեմյեր լիգայի մասնակից թիմերի խաղացողներն ու մարզիչները։ Այս տարի Պիզելին երեք անգամ ճանաչվել է նաեւ ամսվա լավագույն ֆուտբոլիստ։
Պիզելին դարձել էր նաեւ մրցաշարի լավագույն ռմբարկուն։ Ղազախստանի ավարտված առաջնությունում (33 տուր) 34-ամյա ֆուտբոլիստը մասնակցել է 24 խաղի եւ դարձել 18 գոլի հեղինակ:
Հիշեցնենք, որ վնասվածքի պատճառով Մարկոսը Հայաստանի հավաքականին չի օգնի Ջիբրալթարի (նոյեմբերի 16) ու Լիխտենշտեյնի (նոյեմբերի 19) դեմ Ազգերի լիգայի խմբային փուլի վերջին 2 խաղերում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։