Ուլի Վեգներ. Աբրահամը մեկ աստիճան բարձր է Շտիգլիցից
21:54 13 օգոստոսի, 2012«Աբրահամը մեկ աստիճան բարձր է Շտիգլիցից։ Եթե Շտիգլիցը կարողանա հաղթել Աբրահամին, ապա ինձ համար նա կդառնա սուպերհերոս»։ Այս մասին հայտարարել է Արթուր Աբրահամի մարզիչ Ուլի Վեգները։
«Եթե Արթուր Աբրահամը ցուցադրի իր ամբողջ ներուժը, ապա ես ոչ մի կասկած չունեմ, որ նա կհաղթի Ռոբերտ Շտիգլիցին։ Բայց սա սպորտ է։ Որեւէ բան կանխատեսել շատ բարդ է։ Ես չեմ կարող դրվատանքի խոսքեր չասել նաեւ Շտիգլիցի մասին. գործի նկատմամբ նրա վերաբերմունքը, բռնցքամարտելու ագրեսիվ ոճն արժանի են դրան։ Նա առավելագույնն է կորզում իր հնարավորություններից, բայց Աբրահամը մի աստիճան բարձր է Շտիգլիցից։ Եթե Շտիգլիցը կարողանա հաղթել Աբրահամին, ապա ինձ համար նա կդառնա սուպերհերոս։ Աբրահամը չունի լրացուցիչ մոտիվացիայի կարիք։ Նա երբեք չի ունեցել աշխարհի չեմպիոն դառնալու այսքան հարմար դիրք, եւ նա պետք է բաց չթողնի իր շանսը՝ առավել եւս, որ նա մենամարտելու է իր երկրպագուների բանակի ներկայությամբ։ Եթե այդ հանգամանքը նրա համար բավար մոտիվացիա չէ, ապա նա կարող է հեռանալ բռնցքամարտից հենց հիմա»,- Աբրահամի մարզիչ Ուլի Վեգների խոսքը մեջբերում է Boxingscene.com-ը։
Օգոստոսի 27-ին Բեռլինում Արթուր Աբրահամը (34-3, 27 նոկաուտ) սուպերմիջին քաշային կարգում WBO վարկածով աշխարհի չեմպիոնի կոչման համար կմենամարտի գոտու տիրակալ Ռոբերտ Շտիգլիցի (42-2, 23 նոկաուտ) հետ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.