Գերմանիայի չեմպիոն Մյունխենի «Բավարիան» ցանկանում է գլխավոր մարզիչի պաշտոնն առաջարկել ֆրանսիացի Զինեդին Զիդանին, որն անցած մրցաշրջանի ավարտին «Ռեալից» հեռանալուց հետո գործազուրկ է: Ok Diario-ի համաձայն, «Բավարիայի» ղեկավարությունն արդեն բանակցել է Զիդանի հետ:
Գերմանիայի առաջնությունում առաջատար Դորտմունդի «Բորուսիայից» 2:3 հաշվով պարտվելուց հետո մյունխենյան սուպերակումբի ղեկավարությունը ցանկանում է հեռացնել խորվաթ Նիկո Կովաչին:
Զիդանի ծառայություններով հետաքրքրվում են նաեւ ֆրանսիական ՊՍԺ-ն եւ անգլիական «Մանչեսթեր Յունայթեդը»:
Հիշեցնենք, որ Զիդանի ղեկավարությամբ «Ռեալը» նախորդ երեք մրցաշրջաններում երեք անգամ դարձավ Չեմպիոնների լիգայի գավաթակիր, մեկ անգամ՝ Իսպանիայի չեմպիոն եւ երկու անգամ՝ աշխարհի ակումբային չեմպիոն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։