Սաուդյան Արաբիայի արքայազնը պատրաստ է 3 միլիարդ եվրո վճարել «Մանչեսթեր Յունայթեդի» համար
20:48 15 նոյեմբերի, 2018Անգլիական «Մանչեսթեր Յունայթեդի» համասեփականատեր Ավրամ Գլեյզերը հանդիպում է ունեցել Սաուդյան Արաբիայի արքայազն Մուհամեդ Ալ Սաուդի հետ, որը ցանկանում է ձեռք բերել մանչեսթերյան ակումբի բաժնետոմսերը: Գլեյզերը Սաուդյան Արաբիայում մասնակցել է Misk Global տնտեսական ֆորումին, որի ընթացքում էլ բանակցել է արքայազնի հետ: Մուհամեդ Ալ Սաուդը պատրաստ է «Մանչեսթեր Յունայթեդի» համար վճարել 3 միլիարդ եվրո, հաղորդում է The Sun-ը:
Անգլիական մամուլի տվյալներով, Գլեյզերների ընտանիքը մտադիր չէ վաճառել մանչեսթերյան ակումբի բաժնետոմսերի վերահսկիչ փաթեթը, սակայն պատրաստ է շահավետ գործարքի դեպքում զիջել բաժնետոմսերի մի մասը:
2005 թվականին Գլեյզերների ընտանիքը «Մանչեսթեր Յունայթեդը» գնել է 790 միլիոն ֆունտ ստերլինգով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։