Հայաստանի հավաքականի մարզիչ Խավիեր Մինյանոն զարմացած է

Ֆուտբոլի Հայաստանի ազգային հավաքականի ֆիզպատրաստության իսպանացի մարզիչ, աշխարհի ու Եվրոպայի չեմպիոն Խավիեր Մինյանոն ՀՖՖ մամուլի ծառայությանը պատմել է ազգային թիմում իր աշխատանքի, թիմի վիճակի, ՀՖՖ ղեկավարության վստահության մասին:

«Իմ գլխավոր խնդիրն այն է, որ բոլր ֆուտբոլիստները լինեն լավ մարզավիճակում: Զարմացրեց, թե ինչ ինտենսիվությամբ են ֆուտբոլիստները աշխատում, ինչ որակներ են ցուցադրում մարզումների ժամանակ, ինչքան կենտրոնացած են: Դա վկայում է, որ նրանք որոշակի վարպետություն ունեն»,- ասել է Մինյանոն:

Ջիբրալթար - Հայաստան Ազգերի լիգայի խմբային փուլի հանդիպումը կկայանա նոյեմբերի 16-ին՝ Երեւանի ժամանակով 23:45-ին: Երեւանում կայացած առաջին շրջանի խաղում Ջիբրալթարի հավաքականը հաղթել է նվազագույն հաշվով՝ տանելով իր պատմության առաջին հաղթանակը պաշտոնական խաղերում: