Մյունխենի «Բավարիան» ցանկանում է ձեռք բերել Ֆրակֆուրտի «Այնտրախտի» սերբ հարձակվող Լուկա Յովիչին:
Bild-ի համաձայն՝ Սերբիայի հավաքականի 20-ամյա ֆուտբոլիստի տրանսֆերով շահագրգռված է «Բավարիայի» գլխավոր մարզիչ Նիկո Կովաչը, որը նախորդ մրցաշրջանում նրա հետ աշխատել է «Այնտրախտում»:
Գերմանիայի ընթացիկ առաջնությունում Յովիչը խփել է 9 գոլ եւ միանձնյա գլխավորում է ռմբարկուների ցուցակը: Նա 2016-ին Լիսաբոնի «Բենֆիկայից» է տեղափոխվել «Այնտրախտ»:
Հիշեցնենք, որ վերջերս Յովիչը դարձել էր Բունդեսլիգայի մեկ խաղում 5 գոլ խփած ամենաերիտասարդ ֆուտբոլիստը: «Դյուսելդորֆի» դեմ խաղում (7:1) նա ռեկորդը գրանցել էր 20 տարեկան 300 օրականում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։