«Բարսելոնայի» սկաուտները կհետեւեն Վրաստանի հավաքականի ֆուտբոլիստի խաղին

10:59   15 նոյեմբերի, 2018

Վրաստանի հավաքականի ու բելգիական «Գոնտի» հարձակվող Գերգի Չակվետաձեն հայտնվել է «Բարսելոնայի» հետաքրքրության ոլորտում:

Sport.es-ի համաձայն՝ կատալոնական ակումբի սկաուտները հավատարմագրվել են Վրաստանի ու Անդորրայի հավաքականների միջեւ Ազգերի լիգայի 5-րդ տուրի խաղին, որպեսզի հետեւեն 19-ամյա ֆուտբոլիստի խաղին: «Բարսելոնան» մեկ տարուց ավելի հետեւում է Չակվետաձեին:

Չակվետաձեն 2017-ին Թբիլիսիի «Դինամոյից» է տեղափոխվել «Գենտ», որի կազմում առաջին մրցաշրջանում մասնակցել է 15 խաղի՝ դառնալով 4 գոլի ու 2 գոլային փոխանցման հեղինակ:

Անդորրայի դեմ խաղը Չակվետաձեի համար 6-րդը կլինի Վրաստանի ազգային հավաքականում, որի կազմում նա խփել է 3 գոլ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։