Պոլ Սքոուլզ. Անգլիայում չկա մի թիմ, որը կարող է հաղթել «Մանչեսթեր Սիթիին»

16:12   14 նոյեմբերի, 2018

Անգլիայի հավաքականի եւ «Մանչեսթեր Յունայթեդի» նախկին կիսապաշտպան Պոլ Սքոուլզը խոսել է Պրեմյեր լիգայում չեմպիոնական մրցավազքի մասին:

«Որքան շատ եմ դիտում «Մանչեսթեր Սիթիի» խաղերը, այնքան շատ եմ համոզվում, որ Անգլիայի առաջնությունում չկա մի թիմ, որը կարող է հաղթել նրանց: «Վուլվերհեմփթոնի» դեմ խաղից հետո կարծում էի, որ մրցաշրջանը բարդ է լինելու նրանց համար: Սակայն դրանից հետո չտեսա մի թիմ, որը կարող է մրցել «Մանչեսթեր Սիթիի» հետ: Հավանաբար, նրանց գլխավոր մրցակիցը կլինի «Լիվերպուլը», սակայն «Մանչեսթեր Սիթիի» կազմում ավելի շատ վարպետներ կան բոլոր դիրքերում: Եթե նրանք ցուցադրեն իրենց վարպետությունը յուրաքանչյուր խաղում, ապա ոչ մի անգամ չեն պարտվի»,- Սքոուլզի խոսքը մեջբերում է Manchester Evening News-ը:

Հիշեցնենք, որ Անգլիայի առաջնության պատմության մեջ առաջին անգամ 3 թիմեր պարտություն չեն կրել մեկնարկային 12 տուրերում: Պրեմյեր լիգայի այս մրցաշրջանում դեռ անպարտելի են առաջատար «Մանչեսթեր Սիթին», երկրորդ տեղում գտնվող «Լիվերպուլը» եւ լավագույն եռյակը եզրափակող Լոնդոնի «Չելսին»:

«Մանչեսթեր Սիթին» ունի 32 միավոր (10 հաղթանակ, 2 ոչ ոքի, 0 պարտություն), «Լիվերպուլը»՝ 30 (9-3-0), իսկ «Չելսին»՝ 28 (8-4-0):



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։