«Ռեալը» 3 տարվա պայմանագիր կնքեց Սանտյագո Սոլարիի հետ
23:37 13 նոյեմբերի, 2018Մադրիդի «Ռեալը» գլխավոր մարզիչի պաշտոնում հաստատել է արգենտինացի Սանտյագո Սոլարիին, որը իսպանացի Խուլեն Լոպետեգի հեռացումից հետո կատարում էր ժամանակավոր պաշտոնակատարի պարտականությունները: Պայմանագիրը նախատեսված է մինչեւ 2021 թվականը:
Սանտյագո Սոլարին վերջին 89 տարում լավագույն մարզչական մեկնարկն է գրանցել Արքայական ակումբում:
Արգենտինացի մասնագետի մեկնարկային 4 խաղերում մադրիդցիները տարել են 4 հաղթանակ՝ խփած եւ բաց թողած գոլերի 15-2 տարբերությամբ: Դա ակումբի լավագույն ցուցանիշն է 1929 թվականից հետո:
42-ամյա արգենտինացին 2016 թվականից գլխավորում էր «Ռեալի» երիտասարդական թիմը: Սոլարին «Ռեալի» նախկին ֆուտբոլիստ է եւ մադրիդյան ակումբում խաղացել է 2000-2005 թվականներին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։