Tata Steel Chess India. Արոնյանն ընթանում է երրորդ տեղում
22:39 13 նոյեմբերի, 2018Հնդկաստանի Կալկաթա քաղաքում մեկնարկել է շախմատի կայծակնային խաղի Tata Steel Chess India մրցաշարը, որին մասնակցում է նաեւ հայկական շախմատի առաջատար Լեւոն Արոնյանը: Առաջին օրն անցկացվել է 9 տուր:
Արոնյանը հաղթել է հնդիկներ Ռամեշբաբու Պրագնանանդհային եւ Վիշվանաթան Անանդին, նաեւ ռուսաստանցի Սերգեյ Կարյակինին, ոչ ոքի է խաղացել հնդիկներ Գուջրատի Վիդիտի, Սուրիա Գանգուլիի, ամերիկացիներ Հիկարու Նակամուրայի եւ Ուեսլի Սոյի, ադրբեջանցի Շաքրիյար Մամեդյարովի հետ, պարտվել է հնդիկ Պենտալա Հարիկրիշնային:
Արոնյանը 5.5 միավորով երրորդ տեղում է: Առաջատարը Նակամուրան է՝ 6.5 միավոր: Սոն ունի 6 միավոր:
Մրցաշարը կավարտվի նոյեմբերի 14-ին, կանցկացվի եւս 9 տուր:
Հիշեցնենք, որ արագ խաղի Tata Steel Chess India մրցաշարում Արոնյանը 9 հնարավորից վաստակել էր 5.5 միավոր եւ հնդիկ Պենտալա Հարիկրիշնայի հետ բաժանել 2-3-րդ տեղերը: Առաջին տեղը գրավել էր ամերիկացի Հիկարու Նակամուրան՝ 6 միավոր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։