Լոնդոնի «Արսենալի» անգլիացի հարձակվող Դենի Ուելբեկը երկրորդ անգամ է վիրահատվել 4 օրվա ընթացքում, հայտնում է ակումբի կայքը:
2 վիրահատություններն էլ հաջող են անցել՝ առանց դժվարությունների: Դեռ հստակ չի նշվում թ,ե որքան կտեւի անգլիացու վերականգնողական փուլը:
Ուելբեկի առաջին վիրահատությունը տեղի է ունեցել նոյեմբերի 9-ին, իսկ երկրորդը՝ նախօրեին:
Հիշեցնենք, որ անգլիացի հարձակվող կրունկի կոտրվածք էր ստացել Լիսաբոնի «Սպորտինգի» դեմ Եվրոպայի լիգայի խմբային փուլի չորրորդ տուրի խաղում (0:0), որը կայացել էր նոյեմբերի 8-ին: Ընթացիկ մրցաշրջանում 27-ամյա հարձակվողը մասնակցել է 14 խաղի եւ դարձել 5 գոլի հեղինակ:
Ավելի վաղ «Արսենալի» գլխավոր մարզիչ Ունաի Էմերին նշել էր, որ անգլիացին երկար ժամանակ կբացակայի խաղադաշտից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։