«Լիվերպուլը» հարձակվողը պաշտոնապես մեղադրվում է խաղադրույք կատարելու մեջ
00:34 13 նոյեմբերի, 2018Անգլիայի ֆուտբոլային ասոցիացիան «Լիվերպուլի» հարձակվող Դանիել Ստարիջին պաշտոնական մեղադրանք է ներկայացրել խաղադրույք կատարելու վերաբերյալ: Կանոնադրությամբ ֆուտբոլիստներին արգելված է խաղադրույքներ կատարել: Ասոցիացիայի հետաքննության արդյունքի համաձայն, Ստարիջը 2018թ. հունվարին երկու անգամ խախտել է այդ կանոնը: Սակայն հանդիպումները չեն նշվում:
Ասոցիացիան նաեւ պնդում է, որ Ստարիջը տրամադրել է տեղեկություններ, որոնք հետագայում օգտագործվել են խաղադրույքների ժամանակ:
«Լիվերպուլի» ֆուտբոլիստը մինչեւ նոյեմբերի 20-ը պետք է պատասխանի մեղադրանքներին: Ստարիջին սպառնում է տուգանք եւ որակազրկում:
«Լիվերպուլը» հայտնել է, որ Ստարիջը չի ընդունում մեղադրանքը, սակայն ակումբը պաշտոնական հայտարարություն կանի խնդիրը մանրամասն ուսումնասիրելուց հետո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։